Klámfengnir hugar sjá klám í öllu.

Ég held hreinlega að Elsa ætti aðeins að staldra við og skoða hvað hrærist í hennar huga.
Ég hef skoðað þennan bækling og sé nákvæmlega ekkert klámfengið við hann frekar heldur en Smáralindarbæklinginn sem frægur varð á sínum tíma vegna veruleikafirringar konu einnar sem taldi hann vera hið argasta klám.

Staðreyndin er nefnilega sú, að það eru einungis þeir sem eru með hausinn fullan af klámi sem sjá eitthvað klámfengið við svona auglýsingar.

Ósátt við auglýsingabækling

Athugasemdir

[ragga (IP-tala skráð) 5.6.2009 kl. 11:39]

Þetta er bara í besta falli hallærisleg mynd :P

Skil vel hjúkrunarfræðinga að vilja ekki vera bendlaðir við e-h svona hallærislegt

[Jack Daniel's, 5.6.2009 kl. 14:11]

En að snúa því upp í eitthvað klámfengið segir allt um hvað er að gerast í höfðinu á Elsu greyinu.

[Sigurjón, 6.6.2009 kl. 02:36]

Það er einfaldlega ekkert hjúkrunarfræðinga hér á landi að kommenta eitthvað á mynd sem þessa.  Ef tölvunörd er sýnt í einhverri auglýsingu, ætti þá félag tölvunarfræðinga að þeysa fram á ritvöllinn og heimta að þessi steríótýpa verði fjarlægð?  Hver myndi hlusta á slíkt?

Þetta er fáránlegasta viðkvæmni og væl sem ég hef á ævinni séð og þeim til skammar sem væla!

[Gulli (IP-tala skráð) 6.6.2009 kl. 08:28]

Póstaði þessu annars staðar fyrst, fannst þetta eiga við hérna líka:

Ég held að það sé tímabært fyrir íslensk fyrirtæki að hugleiða að hætta að nota kvenfyrirsætur í auglýsingabæklinga. Það skiptir engu máli hvernig konan er klædd eða í hvaða líkamsstöðu hún er, það finnst alltaf að minnsta kosti einn femínasisti sem er með nógu kolbrenglaða sýn á kynlíf til að sjá það sem misnotkun á konum.

[Axel Jóhann Hallgrímsson, 8.6.2009 kl. 01:05]

Jack, takk fyrir bloggvináttuna.

Klám er fyrst og síðast huglægt. Þeir sem sjá klám í öllu sem hreyfist eða fyrir augu ber, ættu að láta kíkja undir "húddið."

Ef búið er að klámgera "hjúkkubúninginn", þá er ekki annað til ráða en hjúkkurnar mæti naktar til vinnu til svo búningurinn veki ekki upp klámeðlið í viðkvæmum.

Gulli, það væri gaman að sjá þá auglýsingu sem ekki misbýður einhverjum.

[Offari, 9.6.2009 kl. 22:54]

Láttu ekki svona Jack þessi bæklingur er argasta klám þú hlýtur að sjá það eins vel og ég.

‹Glottir eins og fífl›

[Sigurjón, 9.6.2009 kl. 23:15]

Hvað er annars að frétta af þér Keli?

[Ingvar Valgeirsson, 12.6.2009 kl. 21:16]

Ja, sko. Stundum erum við sammála. Þá er gaman.

Svona bull, eins og í þessari hjúkku, bitnar hinsvegar á fyrirsætunum. Haldið þið t.d. að það hafi verið gaman að vera fjórtán vetra stelpan á Smáralindarbæklingnum eftir að hún þarna kerlingarálft lýsti henni eins og klámmyndaleikkonu? Haldið þið að það hafi verið gaman fyrir hana að fara í skólann og sitja undir háðsglósum skólafélaganna?