Afþakkaði ókeypis húsnæði úti á landi

Þessari konu var boðið ókeypis húsnæði út á landi meðan hún er að vinna í sínum málum en hún afþakkaði það, sagðist frekar að hún muni sofa í bílnum með börnin.

Ég hugsa að þetta geri hún til að þrýsta á að henni verði úthlutað félagslegu húsnæði en um leið gat ég ekki gert að því að hugsa að þetta væri ákveðin tegund af hroka þar sem ekki væri vilji til að flytja út á land.

Ekki ætla ég svo sem að dæma um það en samúð mín með þessari konu fauk út í veður og vind því ekki er hún að gera börnunum sínum neitt gott með því að neyða þau til sofa í bíl við allskonar veður og komið fram á aðventu.

Skynsamlegra hefði verið hjá henni að þyggja þetta góða boð barnana vegna og hún hefði svo geta unnið í því að fá húsnæði í bænum vitandi að börnin væru í öruggu skjóli.

Það hefði verið skynsamlegra.

Einstæð móðir komin á götuna

Voru bara útgerðar og auðmenn spurðir?

Miðað við niðurstöðurnar í þessari frétt, þá hafa aðeins Sjálfstæðismenn, hundspottin þeira, útgerðar og auðmenn verið fengnir til að svara þessari könnun.

Ég hef enga trú á því að hinn almenni íslendingur treysti fréttaflutningi úr þessu málgagni SFS/LÍÚ.

Traust á fjölmiðlum dregst saman

Eru launþegar heimskingjar?

Samtök Atvinnulífsins eru eldsnögg til þegar þarf að telja launþegum trú um að þeir séu heimskingjar.
Nýjasta dæmið sannar það ágætlega en nú hafa þeir hjá SA látið Capacent gera fyrir sig könnun til að færa sönnur á að yfirgnæfandi meirihluti sé meðal þjóðarinar við efnahagslegan stöðuleika þó svo launþegar þurfi að svelta lungan úr mánuðinum.

Það er alltaf jafn sorglega fyndið að sjá eiginhagsmunasamtök milljóna og milljarðamæringa reyna að halda því fram að sanngjörn laun til almennings muni ógna stöðugleikanum og setja verðbólguna á fullan skrið þegar þeir sjálfir hafa hvað eftir annað orðið uppvísir að því að hækka sín eigin mánaðarlaun um margföld laun "þrælana" sinna hvað eftir annað, ár eftir ár með dyggri aðstoð stjórnvalda.

Nánar má lesa um þetta mál hérna.

Velja stöðugleika fram yfir launahækkanir

Spilltir stjórnmálamenn eru kerfisbundið að rústa íslandi

Formáli.

Það er þyngra en tárum taki fyrir almennan borgara í lýðræðisríki að horfa upp á hvernig kjörnir fulltrúar á Alþingi íslendinga eru kerfisbundið að eyðileggja efnahags og velferðarkerið á íslandi með aðgerðum sínum án þess að geta gert nokkuð við því. Gjörspilltir einstaklingar ríkisstjórnarflokkana sem nú eru við völd koma með hverja tillöguna á fætur annari sem grefur undan allri velferð í landinu og færir auðlindirnar sem eru í eigu almennings til fárra útvalina, vina sinna og vandamanna. Ganga jafnvel svo langt að brjóta stjórnsýslulög með aðgerðum sínum og haga sér eins og landslög komi þeim ekki við og þeir séu yfir þau sem og stjórnarskrárbundin ákvæði, hafnir.

Siðblinda og alger forherðing glæpamennskunnar birtist okkur grímulaust í aðgerðum Fjármálaráðherra sem selur hlut í ríkisbanka til sinnar nánustu fjölskyldu án þess að fara lögbundnar leiðir í sölunni og brýtur þar með lög án þess að alþingi bregðist við á nokkurn hátt. Stjórnarandstöðuflokkarnir eru þar með samsekir í spillingunni og lögbrotunum hvort sem þeim líkar það betur eða verr.

Sjávarútvegsráðherra ætlar á næstunni, með blessun flokksfélaga sinna að leggja fram frumvarp sem festir algerlega handónýtt kvótakerfi í fiskveiðum í sessi með því að færa útgerðunum í landinu og kvótagreifunum nýtingarréttinn á fiskinum í kringum landið, eign almennings í landinu, til næstu 25 ára. Þetta er ekkert annað en þjófnaður fyrir opinum tjöldum og verður að stoppa hvað sem tautar og raular. Kvótakerfinu verður að henda og koma á fiskveiðistjórnunarkerfi sem þjónar almenningi í landinu en ekki öfáum, útvöldum vinum ríkisstjórnarflokkana og ættingjum þeirra. Landráð er það hugtak sem kemur fyrst upp í hugan þegar þessi tvö ofantöldu atriði eru skoðuð en samt er af nægu að taka í þeim efnum.

Til að lesa allan pistilinn, smellið hérna.

Flott hjá smábátasjómönnum

Það verður að stoppa þessa glæpamenn af sem sitja á þingi eru ekkert annað en málpípur SFS/LÍÚ klíkunar.  Sigurður Ingi er einn af þeim eins og sést best á störfum hans í þágu kvótagreifana.

Það er aldrei nauðsynlegra en nú að stoppa þetta bull og henda þessu ónýta kvótakerfi sem hefur aldrei verið þjóðinni til góðs, aðeins til bölvunar frá því að því var komið á, á áttunda áratug síðustu aldar.

Svindlið og svínaríið í kringum þetta kerfi er svo gott sem búið að gera þjóðina gjaldþrota meðan örfáir einstaklingar moka inn hagnaðinum úr sameiginlegri auðlind landsmanna.

Þetta verður að stöðva og fara sömu leið og Færeyingar gerðu, henda kvótakerfinu og koma á sóknardagakerfi.

Neðst í þessum pistli hér, eru mínar persónulegu hugmyndir um hvernig ég sé réttlátt útvegskerfi sem mundi skila þjóðinni þeim arði sem hún á með réttu að fá en ekki einhverjir örfáir auðmenn.

Smábátaeigendur leita til umboðsmanns