Svo sem ekkert meira um þetta að segja.

Núverandi stjórn er eins og allar aðrar sem setið hafa og ekkert breytt frá því sem áður var.  Þetta eru allt aumingjar sem ráðast alltaf með niðurskurðarhnífinn á þá sem verst eru settir en undanskilja alla þá þætti sem mundu skila margfallt meiri sparnaði.
Yfirmannastöður, millistjórnendur og aðstoðarmenn með fúlgur í laun og sponslur halda sínu meðan þeir verst settu í þjóðfélaginu eru látnir blæða.

Annars nenni ég ekki að ergja mig yfir þessu og ætla í staðin að setja hérna þrjú frábær lög inn sem ég hvet fólk til að hlusta MJÖG VEL Á TEXTANA Í.

Fyrsta lagið fjallar um konu sem er að missa elskhuga sinn og hvernig hún í raun afneitar þeirri staðreynd að hann muni ekki koma til hennar aftur.  þetta endurspeglar svolítið hugsunarhátt margra íslendinga gagnvart hlutum sem þeir hafa haft en koma nú til með að missa.

Pink - I don't believe you

Annað myndbandið endurspeglar kanski meira það hugarfar sem margir hafa stundað í uppgangstímabilinu og hvernig endalokin hafa orðið eins og kemur í ljós í lok myndbandsins.

Rihanna - Russian Roulette

 Síðasta myndbandið eru síðan hugleiðingar frá Pink þar sem hún biðlar til forsetans um að stíga niður af stalli sínum og sjá lífið eins og það er frá sjónarhóli almennings.  Það má alveg heimfæra þessa beiðni til forseta íslands og ráðamanna allra sem og þeirra gagnslausu framapotara sem eru að reyna að troða sér á valdastól sjálfum sér og sínum til framdráttar en ekki í þágu þjóðarinnar.

Pink - Dear Mr. President

 

 Vona að þessi myndbönd vekji fleiri til umhugsunar um hvernig ástandið er í raun.

 

Öryrkjar mótmæla „nýrri aðför“

Gott mál, en ......

.... væri ekki nær, að þetta helv... hyski færi aðeins að nota grautinn í toppstykkinu?

Það er ekki þessari stjórn að kenna hvernig komið er þó svo hún taki skítvitlaust á öllum málum.

Sjálfstæðisflokurinn + framsókn eiga þetta 100% og núverandi stjón er þó að reyna að bjarga því sem bjargað verður.

Eini gallinn er sá, að þeir eru fastir í fokkin fótboltanum og geta ekki því miður ekki séð að það þarf að vinna fyrir fólkið í landinu númer eitt en ekki helvítis flokkinn og rassasleikjur hans.

Halda baráttunni áfram

Kominn tími til að sjálfstæðismenn fari að horfast í augu við þann súra sannleika......

..... að þeir eiga alla sök á hruninu með dyggri aðstoð Framsóknarflokksins.

Þó svo það sé nýtt fólk í brúnni, þá eru hugsjónirnar þær sömu, stefnumálin þau sömu og allar línur þær sömu á öllum sviðum.

Þetta helvítis hyski ætti að hafa vit á að halda sér saman og muna enn og einu sinni að það er vegna þeirra sem svo er komið fyrir landinu og því miður er það verk núverandi ríkisstjórnar að reyna að þrífa upp skítinn eftir þá og það kemur til með að kosta fólkið í landinu aleiguna og meira til næstu áratugina.

Sjálfstæðismenn eiga alla sök á því að fólk er að missa heimili sín, atvinnu, heilsu og jafnvel lífið vegna sjálfsmorða þeirra sem allt eru að missa.

Sjálfstæðiflokknum væri hollast að líta í eigin barm og hafa svo vit á að halda kjafti enda eru þetta hinir einu sönnu landráðamenn.

Sjálfstæðismenn ættu að muna að hrunið er þeim að kenna og engum öðrum.

Vísa fullyrðingum um villandi framsetningu á bug

Þá er þetta búið spil. Mogginn er dauður.

Brandari dagsins fylgir hér með

Óskar sagði, að menn vissu vel að fjölmiðlar Árvakurs nytu óskoraðs trausts þjóðarinnar og því trausti ætluðu þeir ekki að bregðast. „Við munum áfram flytja óhlutdrægar, heiðarlegar og sanngjarnar fréttir af öllu sem máli skiptir, eigendum Árvakurs jafnt sem öðrum.

 Ég dó úr hlátri þegar ég las þetta.

Davíð og Haraldur ritstjórar

Þarf að gera kröfu um heiðarleika?

Óheiðarlegur stjórnmálamaður er faktískt óheiðarleg persóna í öllu sínu lífi, opinberu sem einkalífi.  Persóna sem er óheiðarleg og kemur sér inn á þing er ekkert annað en svikari við fólkið í landinu sem hefur með lygum og óheiðarleika svindlað sér inn á þing eingöngu sínum hagsmunum til framdráttar og er þar af leiðandi svikari við land og þjóð.

Ekkert meira um það að segja.

Krefst heiðarleika af hálfu stjórnvalda

Líkur á að lögbannið sé brot á stjórnarskrá.

Hvernig sem á þetta lögbann er litið, þá er ekki annað að sjá en það sé hreint og klárt stjórnarskrárbrot sem hefur verið framið með gjörningi sýslumanns með því að samþykkja lögbannskröfu Kaupþings.

Við getum rennt í snatri yfir stjórnarskránna og séð þar eftirfarandi klausu;  73. gr. [Allir eru frjálsir skoðana sinna og sannfæringar.
Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.
Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.]

Lesa alla greinina....

Lögbanni mögulega hnekkt

Smjörklípa.

Ótrúleg sjálfsblekking manns sem kom því þannig fyrir meðan hann var við stjórn landsins, að einkavæða banakna og gera þeim í raun kleyft að setja þjóðina á hausinn með afnámi bindiskyldunar og veikingu fjármálaeftirlitsins.
Segi ekki meir.

Ekki setja þjóðina á hausinn

Ánægður með mín tattoo.

Alltaf gott að reyna að ljúga sit út úr hlutunum, eða hvað?
Stúlkukindinni ætti að vera það víti til varnaðar að reyna að ljúga sig út úr þessu máli og reyna þar með að sverta mannorð húðflúrarans til að upphefja sjálfa sig.
En nú er sannleikurinn kominn í ljós og má hún því svo sannarlega skammast sín.  Hún bað um stjörnurnar og fékk þær, pabbinn varð brjálaður, hún í fjölmiðla og laug því að hafa bara beðið um 3 störnur, húflúrarinn stórgræðir á þessu en stúlkan situr eftir sem athyglissjúkur lygari.

Annars er ég ánægður með mín tattoo og þá sérstaklega það sem er á bakinu á mér þó svo það sé ekki fullklárað.  Svo er bara spurning að fá sér fleiri meðan maður heldur í þessa líftóru sína.

Ég er kominn með hugmynd sem mig langar að framkvæma, en það verður að bíða betri tíma enda meiningin að það verði í andlitinu.

Stjörnustúlka viðurkennir ósannindi

blog.is að ganga sér til húðar.

Tel hinsvegar að þessi frétt eigi við nokkur rök að styðjast.  Hef verið á nokkrum spjallvefjum og bloggum þar sem sama fólkið skrifast mikið á og af mismikilli virðingu hvort fyrir öðru og hef séð hvernig nánast óskrifandi fólk hefur náð mikilli ritfærni á ótrúlega skömmum tíma á þeim síðum auk þess sem orðaforði fólks eykst að sama skapi ásamt rökhugsun þó svo nokkrar undantekningar sé þar að finna.  Nokkrir einstaklingar á td. malefnin.com eru fastir í sama feninu og fyrir fimm árum og hafa hvorki þroskast í lesskilningi né heldur eru þeir færari í mannlegum samskiptum eftir allan þann tíma þó svo þeir hafi reglulega skrifað þar inn.

Að öðru.
Bloggkerfið hér á mbl er gjörsamlega að ganga sér til húðar og þá sér í lagi umsagnarkerfið.  Ég reyndi að skrifa umsögn við færslu rétt áður en ég skrifaði þessa færslu en eftir að hafa ýtt á senda hnappinn, fékk ég upp gamalkunnan hvítan og alauðan skjá.  Ég hófst þá handa við að ýta á F5 hnappinn á lyklaborðinu hjá mér og síðan á resend hnappinn á glugganum sem poppaði upp og hefur oftast virkað í þetta annað til fimmta sinn.
Nú bar hins vegar svo við, að þetta dugði ekki til og missti ég töluna á þvi hversu oft ég reyndi að senda inn umsögnina, ekkert gekk og gafst ég upp eftir rúmlega 10 mínútna streð og bölvaði þessu bloggkerfi sem og stjórnendum þess niður í heitustu sali helvítis.

Er því búinn að gefast enn og einu sinni upp á þessu kerfi og kem til með að tjá mig hér í framtíðinni.

Ég mun þó ekki loka þessu bloggi.

Umræður um stjórnmál bæta lestur

Klámfengnir hugar sjá klám í öllu.

Ég held hreinlega að Elsa ætti aðeins að staldra við og skoða hvað hrærist í hennar huga.
Ég hef skoðað þennan bækling og sé nákvæmlega ekkert klámfengið við hann frekar heldur en Smáralindarbæklinginn sem frægur varð á sínum tíma vegna veruleikafirringar konu einnar sem taldi hann vera hið argasta klám.

Staðreyndin er nefnilega sú, að það eru einungis þeir sem eru með hausinn fullan af klámi sem sjá eitthvað klámfengið við svona auglýsingar.

Ósátt við auglýsingabækling